حب من طرف واحد كامله بقلم هويدا زغلول

ليلي خارجه من اوضتها. وهي مشكره
بتقول لجدتها

ليلي _ تيته هو انتي ما تعرفيش الجيران اللي قصاد مننا دول راحوا فين بقالي يومين مش شايفيهم

الجده _بتسالي على مين بالظبط وانا اجاوبك مش مرتاحه لك كده بقالك كام يوم وسايبه بيت ابوك وبتيجي تباتي عندنا هنا

ليلي _ هكون بسال على مين يعني يا تيته طنط ام اسر بصراحه ست كويسه اوي والله

الجده _ ام اسر راحت تعمل عمره يا حبيبتي عقبالي كده يا رب زيها

ليلي _طيب والباقي فين مش كان باين عندها 
ابن سافر معاها

الجده _ ما تقولي فيه اي عالطول انا 
مش فاهمه كلامك خالص عايزه اي من 

ليلي _ بصراحه يا تيته في حاجه غريبه بتحصل
ليا لما بشوفه معرفش 
في اي حاسه ان فيه حاجه بتشدني ليه كده

وبعدها خرج أسر من المطبخ وشايل 
في ايدو صنيه

اسر _ عملتلك شاي بلبن زي ما طلبت يا تيته بس قلبت المطبخ كله على البقسماط مش لاقيه ايه ده انسه ليلي  هو انتي صحيتي

الجده _ ايوه صحيت يا اخويا تعالى اسمع كانت بتقول ايه

ليلي _ فار كنت بقول لتيته كان في فار في اوضتي وكنت خايفه ايه ده هو انت بتعمل ايه هنا

اسر _ والله انا اسف اني جاي من بدري قوي كده بس تيته عزمتني امبارح على الغداء عندكم ولقيتها الصبح بترن عليا بتقولي تعالى هنفطر سوا

الجده _ يلا يا واد انت وهي انزلوا يلا شوفوا هتجيبوا لنا اكل ايه

اسر _ تمام يا تيته هروح اجيب المحفظه بتاعتي بس وهستناكي بره يا انسه ليلى

وبعدها خرج

الجده _ كنت حاسه ان عينك منه عشان كده عزمته على الغداء عندنا بس اوعي تقولي 
لامك القراشنه لاحسن مش هتسكت 
انا عارفها، راحت ليلي جمب جدتها باستها وقالت

ليلي _مش عارفه اشكرك ازاي تيته اللي انتي بتعمليه معايا ده

الجده _ كل اللي عايزاه منك حاجه واحده بس لما تتجوزي الواد ده ما تقطعنيش كل يوم تيجي تطمني علي

ليلي _ اكيد طبعا يا تيته وبعدها 
نزلت السوق