رواية طنط ممكن شيكولاته من دي كامله يقلم حسناء عطوان
انت في الصفحة 1 من 10 صفحات
طنط ممكن شيكولاته من دي.
=انتِ مين يا حبيبتي؟ وفين بابا وماما؟
أنا اسمي روح وبابا وماما قالولي خليكِ هنا وهنيجي ناخدك...
مشيوا من هِنا "وشاوِرت علىٰ يميني".
=مقالوش ليكي هيرجعوا امتىٰ؟
=طيب بقالهم أد اي سايبينك هنا؟
٣ أيام.
= يا خبر! وانتِ هنا بقالك ٣ أيام! الحمدلله ان محدش خدك، تيجي معايا؟
=طيب انتِ عندك كام سنة؟
- ١٠ سنين.
-ماما! أنا عندي ماما واحدة بس.
= وانتِ هيكون عندك ٢ ماما وهجيبلك حاجات حلوة كتير وشيكولاتات كتير وهنخرج ونتفسح علطول.
= لا يا حبيبتي مش هضربك، يعني انتِ خايفة تمشي علشان ماما هتضربك لو مشيتي؟
-آه وهتخليني أنام من غير أكل.
-حاضر يا ماما خديجة.
=شايفة العربية الحلوة دي؟
الله دي حلوة أوي يا ماما.
=دي بتاعتي وهنركبها حالًا علشان نروح البيت.
-بجد!
=بجد.
ياخديجة، يا خديجة، أنا جيت.
=ماما حبيبتي الحمد لله على سلامتك، وصلتِ امتىٰ؟
-وصلت من حوالي ساعتين روحت الشُنط وجيت أسلِم عليكِ.
=طيب مقولتيليش ليه كنت جيتلك أنا.
محبتش اتعبِك كفاية اللي انتِ فيه.
= طيب بمناسبة انك جيتي كنت عاوزة أقولك علىٰ حاجة مهمة.
-خير في اي؟
~ ماما خديجة انتِ فين؟ أنا جعانة أوي.
ماما! مين دي يا خديجة؟!
=مهو ده الموضوع اللي كنت عاوزاكِ فيه، روح ممكن تدخلي اوضتك شوموضوع اي؟ ومين دي؟ وليه بتقولك يا ماما؟ فهميني...
= هفهم حضرتك كل حاجة بصي وأنا كنت خارجة من السوبر ماركت لقيت................
انتِ اتجننتي علشان تجيبيها لحد عندك؟! انتِ بتدوري ع المشاكل بخرم ابرة، كبرتي واتجوزتي ولسه بتفكري بقلبك وراكنة مُخِك علىٰ جنب.
=يا ماما أنا هعمل كل اللي اقدر عليه علشان ارجعها لأهلها بس مش هسيبها لوحدها في الشارع، الله أعلم هيحصلها اي بسبب القرف والبلاوي المنتشرة الأيام دي، الحمدلله اني لقيتها بخير، ربنا كان هيسألني عليها لو كنت سيبتها ومشيت بعد اللي عرفته.
-خلاص اعملي اللي انتِ عاوزاه، بس اللي بيشيل قربة مخرومة بتخر علىٰ دماغه.
