قصة كل شيء قسمة ونصيب
انت في الصفحة 1 من 16 صفحات
كل شئ اسم ونصيب ازاى ؟؟ النهاردة فرحنا والناس برة.
_ أسف... بس مش هقدر حاسس أني مش مستريح.
= بس أعقل كدة يا محمود وأهدى، النهاردة فرحنا يا حبيبي واحنا فى القاعة المفروض ننزلهم هتفضحنا يا محمود.
_ بس بقا... أنا مش مستحملك، مبحبكيش يا ست أنتِ.
= أهدى...أهدى شوية كدة، احنا هنخلص الليلة دي وبعد كدة طلقني، بس متعملش كدة فيا.
_ كتب الكتاب ماكتبش وبعدين أنا مش مستريح، مش عايزة يا شيخة ارحميني بقا.
كنت ھمـ،وت من إلِ بيحصل صحيح أنا ومحمود مقررناش نتجوز عن حب...و كان جواز تقليدي من العيار التقيل بس بردوة محدش يعمل كدة !
قعدت على أقرب كرسي وأنا بعيط...خايفة من lلڤضېحة.
لقيته اتأفف وجيه يخرج لقى بابا وطنط عنايات مامته.
الأب بإستغراب: رايح فين يا محمود ؟
محمود بتأفف: مش هتجوز.
الأب بصد@مة: أية ؟
دخل الأوضة هو مامة محمود وقفل الباب جامد وبيتأكد أن مفيش حد.
منصور پغضب: أنتَ غبي ولا أية ؟ هى سايبة ؟؟
عنايات: جرا أية يا منصور، هو مش رايدها يعني تعمل أية ؟! وأدينا مكتبناش الكتاب والشبكة تأخدها.
منصور: أنتو مجانين صح ؟!
محمود: ياريت يا عمي تحترمنا شوية، زي ما دخلنا بالمعروف نخرج بالمعروف.
منصور: دا لو كان مفيش فرح...أنتَ هتفضحنا كدة !!
عنايات: ولا ڤضېحة ولا حاجة، هو مرتحلهاش وهى مرتحتلهوش أية يعني ؟!
حور بإنفعال: لا مفيهاش حاجة...مستقبلي هيضيع عشان واحد مستهتر زي ابنك..مش قد الجواز عايز تتجوز لية ؟؟ دمرتني... وهتدمرني أكتر لية ؟
محمود: متكبريش الموضوع أكتر من كدة.
حور: بجد ! أنا إلِ مكبره الموضوع ؟ أنتَ دماغك فين ؟؟ قولي ممكن أجيبها.
