حب من طرف واحد كامله بقلم هويدا زغلول

الجده بخ0بث قالتلها _
طيب واللي يجيبلك الحل اللي يخليكي تقعدي عندي براحتك..

ليلي بحماس ردت عليها وقالت _
اشيله والف بيه الشارع كله..

ضحكت الجده وقالت _
يا شيخه اتوكسي انتي قادره تشيلي نفسك ده احنا ماشيين معاكي بمايه بسكر...

ضحكت ليلي وقالتلها _
هههههه ماشي يا تيته مش خساره فيكي جبهتي اللي طارت دي، المهم قوليلي ايه الحل اللي هيخليني ابلط عندك..

الجده ردت عليها وقالت _
تشتغلي وتقوليلهم بشتغل في مكان قريب من تيته وكل يوم تباتي عندي وتقوليلهم كنت تعبانه ومش قادره اروح وايه قربت الطريق وقولت اباات عند تيته..

سقفت ليلي جامد وقالت _
الله عليكي يا تيته يا جامده بدماغك الجباره دي، بس فيه مشكله..

الجده بملل قالت _
في ايه تاني بس يا بوومه..

ليلي بحزن ردت عليها وقالت _
انا مش هلاقي ما انتي عارفه دورت كتير ومش لاقيه..

الجده بغيظ قالتلها _
صبرني يارب علي البت دي طالعه غبيه لمين مش عارفه ما الشغل بنفسه جه لحد عندك وكان قاعد يتكلم معانا بره من شويه..

ليلي بعدم فهم سألتها وقالت _
قصدك مين، وضحي كلامك يا تيته انتي عايزاني اشتغل في البدنجان المحشي

اتنهدت الجده لغيظ وقالت _
يعني يا رب عندك جمال وملامح شرقيه تجنن بس عقل عندك عقل وحده من الهند ناقص تروح تقعد تصلي لبقره..

ليلي _
عبب كده يا تيته احنا هنكفر ولا ايه؟..

الجده بهدوء _
بصي الواد اللي اسمه حازم ده شكله راجل محترم، وقال انه عايزك تشتغلي معاه في المطعم...

ليلي بضيق _
بس انا مش عايزه ابقي طبااخه..

الجده بغيظ قالت _
يا اختي اسم الله علي الشغل اللي بيترمي تحت رجلك، هو انتي لاقين وبعدين هو قالي انه مطعم كبير..

ليلي بضيق قالت _
بصراحه كده يا تيته اللي اسمه حازم ده بيوترني اوووي نظراته بتوترني جدا ومش هقدر اروح عنده، وبعدين انا المفروض مكتئبه ده انا لسه متخوزقه من الكراش..

الجده بعدم فهم سألتها _
يعني ايه متخ0زوقه من كرشك، انتي بطنك وجعاكي..