رواية أجمل قصة حب للكاتبة ملك ابراهيم
عمر/ يعني زي ماتجوزتها قدام أهلي هتجوزها قدام أهلها
مازن/ والله هتتجوزها مرتين وهتعملها ازاي دي بقا
عمر/ بسيطه هنكتب الكتاب قدام اهلها ويبقا اتجوزنا بموافقة والدها بس طبعا مش هنسجله وبكدا الكل هيكون عارف ان هنا مراتي
مازن/ نفسي اعرف ايه الا في دماغك
عمر/ مع الوقت هتفهم كل حاجه
بعد قليل وصلت هنا الشركة وذهبت مباشرة الي مكتب عمر
عمر/ اه اتفضلي
هنا/ بابا كلمني من شويه وقالي حاجه غريبه كدا
عمر/ خير
هنا/ انت فعلا روحت طلبتني للجواز من بابا
عمر/ اه ومستني الرد
هنا/ رد ايه انت عايز تجنني هتتجوزني ازاي واحنا اصلا متجوزين
عمر/ بس والدك مايعرفش ان احنا متجوزين
هنا/ ماهو اكيد هيعرف انت ناسي ان لو اتجوزنا تاني يبقا هنكتب كتابنا تاني واكيد وقتها جوزنا هيتكشف
هنا/ ليه
عمر/هو ايه الا ليه
هنا/ ليه بتعمل كل ده كنت تقدر تطلقني وننهي الموضوع زي ماكنا متفقين
عمر/ لأن ببساطه بعد جوازنا اكتشفت ان مجرد تغير الحالة الاجتماعيه من اعزب ل متزوج ده هيفدني كتير وجود زوجة في حياتي هيمنع كل الأشاعات الا بتطلع عني كل يوم والتاني وهيبعد عني ستات كتير اوي بيطاردوني في كل مكان يعني جوزنا هيفدني في حياتي العامه وكمان الخاصه انا متأكد ان عمرك ماهتسأليني رايح فين وجي منين يعني هكون حر وبرحتي
هنا/ والله وحضرتك فكرت في نفسك ومفكرتش فيا انا وايه الا يخليني اوافق علي وضع زي ده
