رواية الرجل الأخر
انت في الصفحة 1 من 5 صفحات
كان قاعد في الصالة
غريبة انك رجعت قبلي النهاردة!!
مفيش كان عندي مأمورية تبع الشغل وخلصت بدري
ورجعت قبل معادي
كنت حاسه أن شئ متغير فيه،والاحساس
دا بدأ من 5 شهور..وبيزيد كل يوم عن اللي قبله
جهزت الغدا وأكلنا سوا..احنا متجوزين
من سنتين ولسه معندناش أطفال
نزل شوية وبعدها رجع بالليل
طلع سيجارة وولعها
حبيبي انت من أمتى بتدخن!!
معلش مخنوق شوية
من ايه بس أحكيلي
في ضغوط في الشغل..متشغليش بالك
سابني ودخل البلكونه يكمل سيجارته
في حاجة مش طبيعية بتحصل !
نبرة صوته متغيرة بشكل طفيف..ونظرة عيونه
لمعانها أقل..شوية تفاصيل صغيرة..من الوارد
تعدي على أي حد..لكن بالنسبة ليا صعب جدا
أنا عارفة يوسف من زمان..قبل الخطوبة والجواز
هو ابن خالي وعارفاه من واحنا عيال
لايمكن أغلط فيه أبدا..
بعد الجامعه مر بظروف صعبة..كان بيتنقل من
شغلانه لشغلانه..لكن انا كنت دايما في ضهره وبدعمه
لغاية ما ربنا كرمه واشتغل حارس في مستشفى
أستثماري كبير..ومع الوقت وبكفاءته مرتبه زاد
وتم تثبيته وقدر يشتري شقة وبعدها اتخطبنا واتجوزنا
يوسف حنين اوي عليا..اكتر حد بحس معاه بالراحه والامان.
يوسف مش بس جوزي..هو ابني وصاحبي وحياتي كلها
عشان كدا انا واثقة انه متغير
فات يوم واتنين وابتدا احساسي بتغيرة يزيد!
في ليلة كنت واقفة في المطبخ..بغسل المواعين
فجأة حسيت بيد لفت حولين وسطي
.. احساسي بيه مختلف
ريحته مش ريحة يوسف؟
