رواية سجن العصفورة للكاتبة داليا الكومي كاملة
..سلطان لم يسمح لها بالخروج بمفردها يوما حتى انها لا تعرف اسماء الشوارع او الاتجاهات... كل ما لديها هو القليل من التعليم والكتير من البراءه وقلة الخبره... طوال حياتها وسلطان يغدق عليها بالحماية والحنان يحبسها ويحتفظ بالمفتاح في قلبه...... - ادهم بيه طلب منى اوضحك لك الصورة كاملة عشان تبقي فاهمه بس اشربي عصير شكلك دايخه..
هبه نفذت كلامة فورا ...ياه لاول مرة تشعر بنعمه وجود كرسي تجلس عليه فارجلها المسكينة رخوة لدرجة انها ستنهار في أي لحظة...والعصير ايضا انعشها
عزت اكمل حديثه ... - انتى طبعا متعرفيش اي حاجة عن عيلة البسطاويسى اسمحيلي احكيلك من البداية...
سليم البسطاويسي والد ادهم كبير عيلة البسطاويسي الصعايده... راجل قوى وكلمته مسموعه ...بس ادهم طلع قوى زية بقوا الند بالند ...ظاهريا سليم بيحاول يكسر قوة ادهم ويفرض قوته لكن في الحقيقة من جواه هو فخور بإبنه الوحيد اللي جابه بعد طول انتظار...بس حقيقة ان ادهم الولد الوحيد حملته حمل كبير ....الحمل ده كان وصل حد ادهم مقدرش يتحمله وعشان اكون واضح اكتر.. من سنتين والده كان بيضغط عليه يتجوز واحده من عيله في بينهم مصالح وكان والد العروسة بيلمح ...سليم بدأ يلوى دراع ادهم عشان يخليه يمشي في الجوازه ...وضيق عليه كل الطرق ...مع انه كان عارف كويس ان ادهم مبيجيش بالعند ....ادهم من عمر 24 سنة وهو قايم بكل الشغل وحول المال اللي كان عندهم لامبراطورية امبراطورية تهز الدولة لو اختلت ....كانت اخر مواجهه بينهم مرعبه يومها سليم هدده انه لو مسمعش كلامه واتجوز بنت الكفراوى ...هيمنعه من دخول بيت العيله في الصعيد للابد...فكان رد ادهم عليه انة بعتله قسيمة جوازكم
هسيب لمخيلتك رسم صورة للى حصل ..الحرب قامت بين سليم وادهم وطبعا لما سليم فشل انه يرجع ادهم عن قراره استسلم واعلن جوازكم وساعتها الكفراوى بطل يلمح بس شايلها للبسطاويسي وناوى يرد ليه القلم قلمين خصوصا انه فتح الجروح القديمه...
وعشان متشغليش بالك بحاجات متهمكيش ...الصفقة المعروضة عليكى دلوقتى من ادهم بيه ...يبقي الوضع علي ماهو عليه ....انتى هتستفيدى وهو هيستفيد......
ادهم بيه وعد سلطان والدك انه هياخد باله منك ...انتى فعليا مسؤله منه ...
هو بيطلب منك تكملي دراستك وتسيبي القلق لوقته...
ياه معقول ...الكابوس انكشف...هتفضل في الشقة ومصاريف كليتها مدفوعه ...ده حلم تانى بيتحقق..
عزت اكمل بوضوح ... - الشرط اللي البيه بيطلبة وبيرجوكى متعتبريهوش شرط ...ان الوضع يبقي علي ماهو عليه فعليا ...يعنى السواق هيوصلك ويرجعك والخدامه هتفضل معاكى في البيت ولو حبيتى تخرجى اي مكان يبقي بعلمه لانك في الاول وفي الاخر مراته رسمى وشايله اسمه.....
شرطه الوحيد ان تظل في السجن ..في الماضى تقبلت السجن بنفس الشروط ولكن وقتها لم تكن تعلم انه سجن ....ولكن حينما علمت الحقيقه المخفية عنها لسنوات توضحت امامها القضبان الخفية ورسمت حدود السجن الرهيب ....
هبه ردت بخفوت ...- موافقه
عزت ...- موافقه ؟
- ايوه
- عندك اي شروط...؟
- لا
- خلاص اتفقنا...هبلغ ادهم بيه ان الاتفاق ساري...وان ما فيش اي وضع هيتغير
هبه هزت راسها بالموافقه
هل يوجد لديها اختيار اخر ...؟ ادهم انتصر ومازال يحبسها في دنيته والخلاص من سجنه ليس اختيارى......
>>>>>>>>>>>>>>>>>>>>>>>>>>>>>>>>>>>>>>>
