رواية سجن العصفورة للكاتبة داليا الكومي كاملة
هبه خلعت حجابها ...شعرها الاصفر الحرير تحرر من ربطته
نجيه هتفت بانبهار ...- بسم الله ما شاء الله ...زى ما أدهم وصفك بالظبط
هبه تسألت في دهشه....- وصفنى...؟
نجيه اخبرتها ... - ايوه لما سألته ايه شكلها عروستك جالى " ملاك شعره لون الدهب الصافي وعنيه لون الزرع...وبشرتها لون التلج "
هبه صدمت من وصفه وقالت.... - هو وصفنى كده معقول..؟
- هو فعلا مكنش بيبالغ ....شعرك لونه جميل مره..ما شفتش زيه في حياتى قبل كده ... ضحكت بحنيه واكملت ... - انا وابوه سألنا نفسينا كتيرعن سبب تعلق ادهم الجوى بيكى لكن لما شفتك عذرته وفهمت...
ياما عرضنا عليه يتجوز وكان بيرفض لحد ما عرفنا في يوم انه اتجوز ادهم ولدى جوى وبياخد قرار ولا يمكن حد يجدر يعارضه حتى ابوه...لما راجل في عز شبابه وينتظر عروسته تكبر سنين ده معناه انه بيحبها جوى
عقل هبه اشتغل فورا....حاولت ان تفهم ...سألت نفسها يمكن نجيه ليس لديها فكره عن الضغط الذي مارسه زوجهاعلي ادهم...هى قالت عرض علية ولم تقل اجبره...نجيه مازالت تواصل تعريفها بادهم الحقيقي الذى لا تعرفه .....
- ادهم ولدى الوحيد ..جبته بعد سنين انتظار ..كنت خلاص فقدت الامل انى اخلف وكنت بتحايل علي سليم اللي انتظرنى كتيرانه يتجوز تانى وكان بيرفض...وبعد ضغط منى ومن العيله ...سليم وافق اخيرا ويوم ما قرر يتجوزعرفت انى حامل ...سليم غير رأيه ولغى الجوازه وحصلت مشكله كبيره وعداوه بين العيلتين لسه لحد اليوم قايده بينا وبين عيلة الكفراوى بس متغطيه تحت ستارة المصالح بس علي اي شرارة هتولع نار مش هترحم
الاسم ض.رب هبه ...عائلة الكفراوى...تزكرت عزت المحامى عندما اخبرها عن الضغوط التي كان يواجهها ادهم من اجل ان يتزوج ابنة عائلة الكفراوى وقال لها ايضا انها فتحت الجروح القديمة ...الان فهمت ماهى تلك الجرح القديمة...موقف كان ادهم لا يحسد عليه ولكنة واجهه بقوه نجيه اكملت ..
- مش هكذب عليكى يا بنتى ومش عاوزاكى تزعلي منى لكن انا قلبي انقبض لما عرفت ان ادهم اتجوز واحدة مصراويه ومن غيرما يقلنا كمان بس اما شفتك الحمد لله اطمنت وجلبي انفتحلك وهعتبرك بنتى اللي مخلفتهاش في حياتى واتمنى منك تعتبرينى مكان والدتك
زى مافهمنا من ادهم انك يتيمه من زمان ...عشان كده لو تجبلينى مكان والدتك الله يرحمها هتفرحنى كتير وتريحى جلبي
الدموع غلبت هبه ...حنان نجيه الفياض غطاها من رأسها حتى اصابع قدميها...نجيه ام وتحب ابنها لدرجة انها مستعدة لحبها مثل ابنتها لاعتقادها انها بذلك تسعد ادهم... اه لو يعلموا الحقيقه.. وانها مجرد لعبه اشتراها كى يسيطر علي اوضاعه...
- الدور الفوجانى يا بنتى كله مجفول لادهم ومش هيكون معاكم فيه اي حد حتى الخدم ومساعدتك عبير هيطلعوا بالطلب بناء علي اوامر ادهم .. هو طلب اكده...
طابق كامل مغلق عليهم بمفردهم ...هبه قلبها هوى في ارجلها من الخوف كيف ستواجه ذلك الوضع المستحيل ...؟ ربما ادهم يرغب في حفظ سرهم ولذلك منع صعود الخدم الا باذن منه كى لا يكتشفوا زيف زواجهم
هبه تزكرت ذهول عبير عندما تجرأت اخيرا وسألتها .. - انتى تعرفي ايه عن علاقتى بأدهم...؟
عبير اجابتها بذهول ...- طبعا مراته هى دى حاجه تستخبي البيه بلغنى يوم ما اتفق معايا بانى هكون مساعدة عروسته اللي اتجوزها من فترة بس عمليتها اجلت اتمام واعلان جوازهم وبلغ كل اللي في البيت بكده ...
لو تسمحيلي اسألك ...ليه سؤالك ده ؟
بماذا ستجيبها ...؟ لذلك صمتت وتجاهلت سؤالها ولكن عقلها بدأ في الفهم والتركيز...
