زي الروايات بقلم نيرة وائل
انت في الصفحة 1 من 28 صفحات
القهوة يا آنسة شاورلته يقرب واتكلمت بهمس: متعرفش فين مدير الكافيه
_ القهوة يا آنسة
شاورلته يقرب واتكلمت بهمس: متعرفش فين مدير الكافيه
_ ليه يا فندم حد ضايق حضرتك
ردت بنفس الهمس: اطلاقًا…بس انا سمعت ان المدير شاب عشريني وسيم ف جبت كتاب وجيت جري اطلب قهوة عشان ابان مثقفة وكدا ويحبني زي الروايات.. تعرف انا اصلا مش بحب القهوة
اتنهدت وهي بتمط شفايفها: شفت بقا
ضر’بها على دماغها بالمنيو واتكلم بخفة: لا البت مضحية
_ بس احسن ما الناس تصورنا وينزلوا الصورة على السوشيال ويقولوا “شاهد في افتتاح الكافيه مدير يتعـ’ـدى على زبونة بالضر’ب”
_ تصدقي صح حيث كدا اقعد بقا عشان محدش يفهم غلط
_ انا من الصبح واقف على رجلي لما تعبت سبيني ارتاح شويه
_ تعبت من اول يوم، ما انا قولت لخالتي سيف ابنك دا مش بتاع مسؤلية
سيف: بس يبت، بعدين لسه فاكرة تيجي هو انا مش قايلك عايزك معايا وانا بقص الشريط يا مريم
سيف: مزوغة؟! … هو انا ربيتك على كدا
مريم: اوعى تقول لماما مش هتدخلني البيت
بصلها بابتسامه خبيثة: أبدًا تعرفي عني كدا
مريم بتنهيدة: حيث كدا اشوفلي مكان ابات فيه النهارده بقا
مريم: طيب بص انا صحابي جايين دلوقتي عايزين كورنر هادي نقعد فيه عشان هنحضر للبريزنتشين
سيف: دا انتى جايبالي زباين بقااا
مريم بتعدل الياقة اللى مش موجودة اصلا وبتتكلم بفخر: انا اقدر بعلاقاتي املى الكافيه دا زباين اصلا
مريم بفخر: خمسة
سيف: لا واضح انه هيتملي فعلًا
مريم: احم.. بس بقا عشان وصلوا
بتقوم تقف وبتشاورلهم بيكونوا بنتين و3 شباب
مريم: ازيكم يا شباب
