زي الروايات بقلم نيرة وائل
بترفع زهرة وشها من الكتاب وبتتفاجئ ان سيف بنفسه هو اللي جايبها
سيف بإبتسامة: انسة زهرة وانا اقول الكافيه منور ليه
زهرة بخجل: دا نورك … هو انت بنفسك اللي بتقدم القهوه هنا
سيف: لما المكان بيكون زحمة بساعدهم ايوا عشان مش شغال غير خمسة معايا
زهرة: احم… طيب مش محتاج موظفين
سيف: ياريت والله تعرفي حد
زهرة بخجل: يعني لو ينفع انا… كدا كدا كنت بدور على شغل بعد الجامعه
سيف بتفكير: تعرفي تمسكي الحسابات
سيف: ايواا…دا المتاح عندي ليكي لأن انا مش هرضهالك انك توزعي الاوردرات على النااس وحد يضايقك خصوصا ان بيجي شباب كتير هنا
زهرة بإبتسامة: بجد شكرا يا استاذ سيف
سيف: عفوًا… هتبدأي من امتى بقى
زهرة: من بكره انشاء الله
سيف بإبتسامة: انشاء الله… “بيكمل بإحراج” بالنسبة للمرتب يعني مش هيكون كبير اوي في حدود 1500 بس انشاء الله هيزيد مع الوقت انتى عارفه انه لسه فاتحين بقالنا كام يوم وكدا
زهرة بإبتسامة: مفيش مشكله حتى كدا كويس خالص
زهرة: تمام 011********
سيف: تمام… عن اذنك بقا هشوف الشغل واههه حساب القهوة علينا المرة دي
زهرة: بس…
سيف بضحك:خلاص هبقى اخصمها من المرتب
بيمشي وبتفضل باصة عليه بإبتسامه ومتبعاه وهو بيشتغل
_______________________
نــــــــــــيــــــــــــرة وائــــــــــــــــــــــــــــــل
” بيمر شهرين وبيكون باقي يوم على خطوبة مريم اللي وافقت على احمد
اما نورا طول المدة دي كانت مكتئبة وبعيدة عن الكل ”
كانت مريم واقفة بتبص لفستان خطوبتها بحزن
دلال: مالك يا مريم
مريم بتحضنها وبتبدأ تعيط كأنها مستنية حد يسألها السؤال دا
بتتكلم بعياط: مش قادره يا دلال…. انا طول عمري بتخيل اليوم دا معاه مش قادرة استوعب إني هكون لحد تاني غيره
دلال: وكان لازمته ايه من الاول يا مريم… عملتي في نفسك كدا ليه
مريم: كنت عايزة ابدأ من جديد.. اثبت لنفسي ان الحياه مش هتوقف عليه كنت عايزة اتخطى بس مقدرتش
دلال: وهتعملي ايه دلوقتي
مريم: هتحمل نتيجة اختياراتي وهكمل
بتبصلها دلال بحزن وبتحضنها
___________________
