زي الروايات بقلم نيرة وائل
و بيبص لاحمد بنظرات نارية وبيمسكه من ياقه قميصه
_ انت عملت ايه لأختي يا متخــ’ـلف
هنا احمد بيتعصب وبيخرج عن صمته: لو سمحت سيبني بس وانا هحكيلك عن كل حاجه عشان انا كل ما اجي اتكلم حد يقاطعني هنا
إيهاب بيبعد عنه وبيبصله بغيظ: اتفضل اتكلم
احمد: مبدأيًا كدا انا بحب مريم وعايز اتقدملها
سيف بيبصله بنظرات نارية:بتحب مين يا *****
ولسه بيقرب منه بيوقفه ايهاب
ايهاب بعصبية:اتر’زع يا سيف وخليه يكمل كلامه
بيضر’ب احمد جبهته بكف ايده: ياربي والله فهمتوني غلط….انا من الصبح عايز اوضح اللي حصل ومحدش بيخليني اكمل كلامي…. انا ومريم كنا قاعدين في كافيتريا الجامعة وكنت عايز
اقولها تديني رقم والدها عشان احدد معاه معاد واجي اتقدم بس ملحقتش اقولها حاجة.. انا لسه بفتح معاها الكلام وبقولها مش هتنوري بيتي بقا “وبيكمل بضحك” كنت بحاول اكون كريتيف وانا بتقدم لها بس جت على دماغي دا حتي هي فهمتني غلط وقالتلي بيت ايه وملحقتش اوضح كلامي ولقيت الاستاذ دا نازل فيا ض0رب
سيف: لا والله والمفروض نصدق الهبـ’ـل دا
مريم: انا مصدقاه يا سيف
سيف بعصبية: انتي تخر’سي خالص ما انتي مرتبطة بيه اصلا لازم تدافعي عنه
ايهاب: سيف اسكت خالص ملكش دعوة وانت يا احمد تجيب اهلك وتيجي تتقدم لها وكلامك معايا انا مش معاها لحد ما الموضوع يكون رسمي انت فاهم
احمد بفرحة: حاضر يا دكتور متشكر جدا
ايهاب: تقدر تتفضل
احمد: حاضر عن اذنك
بيخرج احمد وسيف بيتجـ’ـنن
ايهاب: وطي صوتك يا سيف واحترم نفسك وانت بتتكلم معايا
بيمسح وشه بغضب وبياخد نفس وبيحاول يتكلم بهدوء
_طيب ممكن تفهمني ايه اللي حضرتك عملته دا
ايهاب: عملت ايه الولد كويس وبيحبها انت اللي غبي ومتسرع وعملت لبنت خالتك ولنفسك فضيـ’ـحة هنا
_مريم: عن اذنكم انا همشي
بيشدها سيف من دراعها: ماشية فين… هتروحيله…. بتحبيه للدرجادي يعني
مريم: سيب دراعي يا سيف
سيف بيشدد مسكته اكتر وبيتكلم من بين اسنانه: جاوبيني بقولك بتحبيه
مريم والدموع متجمعة في عيونها: سيف انت بتو’جعني
بيسيب دراعها وبيمشي وبير’زع الباب وراه
