رواية عريس الغفلة بقلم ايمان شلبي

- بس الاكيد مش انا يعني ويبقي عمل فيا خير 

- ومش انتي ليه ياختي!!

رديت بڠيظ :

- قال اي بيقول لجدي فين الخمسه انا مش شايف غير اربعه بس بيقولي افتكرتك ولد 

البعيد عديم النظر والاحساس 

لوت بوقها بسخريه:

- عنده حق واحد عايش طول عمره برا في أمريكا وكل يوم بيشوف بنات اشكال والوان وكلهم حلوين حقه يشبهك بالولاد بمنظرك ده 

- ماله بقي منظري أن شاء الله هو انا لازم البس م*حزق ومل*زق واحط كيلو ميك اب في وشي عشان اعجب !!

وبعدين احسن انا اصلا مكنتش موافقه علي الجوازه الهباب دي هو جدي مفكر أننا جواري عشان يبيع ويشتري فينا 

والتاني اللي مفكر نفسه السلطان محمد الفاتح ده كمان طبعا ماهو حقه ما هو جدي هو اللي عطاله الحق يتعوج علينا 

واقولك علي حاجه أنا هفضل كده بمنظري ده ومش هتغير عشان حد واللي عاجبه عاجبه واللي مش عاجبه يخبط دماغه في الحيط 

ماما بسخريه:

- ماهو ده اللي فالحه فيه طوله لسانك 

رديت ببرود:

- اهو علي الاقل فالحه في حاجه 

ماما بعص*بيه:

- امشيي غور*ي من وشي 

- اوووووف استغفر الله العظيم يارب 

- منك لله يا شيخه

 خليكي كده ياختي خليكي قاعده جنبي لحد ما تعنسي خالص فالحه بس تقوليلي لما اتجوز هعمل وهعمل وهعمل

 ابقي قابليني لو حد بص في وشك بمنظرك اللي شبه محمود اخوكي ده ناقصلك شنب بس وتبقي ولد بحق وحقيقي كتها نيله اللي عايزه خلف يابعيده

دخلت اوضتي ورزعت الباب ورايا بغي*ظ وعص*بيه 

- الاسطوانه المشروخه بتاعه كل يوم ربنا يتوب علينا من دي اسطوانه 

اتنهدت بضيق وانا بقف قدام المرايه وببص علي شكلي اللي مش عاجبها ولا عاجب حد 

-مش فاهمه مالهم مانا زي القمر اهو ده انا شبه انجلينا جولي ا احم مش اوي يعني خليني متواضعه انا شبه هيفاء وهبي لا لا ياميان اتواضعي اتواضعي خليكي في المتوسط انا شبه صافينار ايش هذا والله نفس الجمدان كلهم اجمد من بعض 

ميان حبيبتي انتي ناقصلك شنب وتبقي شبه محمود اخوكي مش هئ هئ وكده 

نفخت بضيق وقعدت علي الكرسي وانا بفتكر اللي حصل النهارده الصبح