قصة القصاب عم يقطع لحمة طارت شقفة

قصاب عم يقطع لحمة طارت شقفة عضمة وفاتت بعينو صارت عينو حمرا وعم توجعو، راح لعند الحلاق لأن ما كان في مشافي ولادكاترة   فحصوا الحلاق وقلو بسيطة ما بدها شي تعقيم وشوية مرهم، وضمدلو ياها وقلو كل يوم مر عليي نضفلك ياها .. 

 تاني يوم هالقصاب أخد كيليين لحمة وكيلو سودة للحلاق، والحلاق ما قصر تنضيف ومرهم وماحرك العضمة أبدا، وضل الوضع هيك أيام وأيام والحلاق ياكل بهاللحم .  وبيوم من الأيام إجا القصاب وما لاقى الحلاق لاقى ابنو، قلو الولد : أهلين عمي امرني .

. قلو القصاب : أبوك معلمك الصنعة ،  قلو الولد : أي .. قلو : شفلي هالعضمة بعيني قلو : ما بدها شي بسيطة هلق بشلك ياها .. وبالفعل بثواني سحبها ونضفلو عينو .

.  بالليل رجع الحلاق عالبيت وسأل الولد مين اجا عالدكان وشو اشتغلت ،  قلو الولد : إجا القصاب وطالعتلو العضمة من عينو .. قلو الأب : الله لايوفقك ضيعت علينا أكل اللحمة ..   المغزى :  في ناس بدها الوضع يضل هيك مخربط حتى تاكل لحم ويمكن كلاوي وطحالات  والله يستر ما توصل للقلوب .  اي نعم