رواية سواق اوبر بقلم هويدا زغلول
انا مش عارف اعمل معاها ايه بس
جمال
معلش ياسمير بص انا هاقول لك على مشروع جميل وهتاكل منه الشهد بس المشكله انه عايز فلوس
سمير
مشروع ايه ده ياجمال ماتقولي عليه كده
جمال
مشروع عربية أوبر هما طالبين ناس كتير بس كل واحد بعربيتة
سمير
ماترسني على الحوار ده طيب
جمال
الموضوع انك بتروح تشتري عربية بس تكون اخر موديل او سنه جديده وبعد كده يامعلم بتدخلها في شركة أوبر بيقولك الشركة دي شغاله نااار ليا واحد صاحبي فيها ومش عايز اقولك كل يوم يروح لعياله وجيبه مليان
طيب انت بتقول لازم اشتري عربيه وانت عارف اني مش حلتي حاجة عشان اشتري عربية يبقا اعمل ايه ياصاحبي
جمال
ياعم ميل على حماتك وخود منها قرشين واشتري بيهم العربيه دي على قلبها فلوس اااد كده ده غير الدهب اللي عندها
سمير
بقولك حماتي كل يوم نتخانق معايا عشان خاطر انزل اشتغل اروح اقول لها هاتي فلوس ياعم انت غلبان اوي ياجمال
خلاص قول لمراتك تكلمها اظن خلاص اتحلت اهيه جرب مش هتخسر حاجة ياسمير
ورجع سمير البيت واتكلم مع ولاء وقال لها
بقولك ايه يا لولو كنت عايز اطلب منك طلب كده بس انتي توافقي
ولاء
خير ياسمير في ايه
سمير
انا عايزك تكلمي امك انها تسلفني مبلغ كده اشتري بيه عربيه اشغلها في أوبر بيقولو بتكسب حلو اوي الشغلانة دي
ولاء
سمير
ياولاء هو ده وقت غيرة ياحبيبتي بقول لك احنا عايزينها عشان امل عيش مش تقوليلي بقا نسوان وغيرة
ولاء
طيب افرض قولت لأمي وهي مش وافقت يبقا ايه الحل بقا واكيد عربيه يبقا عايز مبلغ كبير
سمير
يعني هي امك مش معاها مبلغ كبير ياولاء انتي بس اتكلمي معاها وهي بتحبك وبتسمع كلامك يلا ادخلي عندها اتكلمي معاها بس متخرجيش من عندها غير وانتي جايبه منها الموافقه تمام يا لولو
ماشي ياسمير لما اشوف اخرتها معاك ايه
ودخلت ولاء لأمها وقالت لها وامها قالت
يجيب عربيه منين ياولاء ده اكيد عايز مبلغ وقدره هنجيبه منين بقا ده
ولاء
ياماما مانتي معاكي المبلغ وأكتر
