رواية من الحقيقة ( التائهة )
_ باين كده انا تعبانه ممكن تديني برشامه صداع زي الي ادتهاني تحت عشان انا حاسه اني مصدعه اوي
_ طبعا ياحبيبتي هنزل اجبلك من تحت...
نزلت سالي وقفلت الباب اعدت افكر ياترا انا فعلا كنت بحلم ومين دي الي طلعت وجابتلي الاكل طب هو فين الاكل...
سالي طلعت وجابتلي البرشامه وكملت نوم
اول مالنهار طلع صحيت ونزلت عشان اشوف هعمل ايه عشان اوصل لأهلي..
سألت واحد ماشي فالشارع هو احنا فين هنا قالي احنا عالطريق الدائري...ونفس المكان الي كنت فيه امبارح
اعدت شويه اتمشي ولقيت واحد ماشي ورايا ببص من غير ما ياخد باله... ايه ده دا نفس الراجل بتاع امبارح الي كان هيخبطني بالعربيه....
فضلت ماشيه لحد ما وصلت مكان مفيهوش حد خالص وهو لسه ورايا...
_ هو حضرتك تعرفني...
_ وانا هعرفك منين...
_ يعني انت مش ماشي ورايا...
_ هو مش حضرتك الي وقفتلي بالعربيه امبارح وكنت هتخبطني...
_ بصراحه انا اول مرة اشوفك ومعنديش عربيه اصلا
_ ازاي انا والله عرفاك وشفتك قبل كده...
_ هو انتي مجنونه...
ابعدي عني لو سمحتي انا ورايا مشاوير...
_ بالله عليك لو تعرفني قولي انا مين وفضلت اترجاه راح زقني جامد وقعني فالشارع...
ابعدي عني ياستي انا مش فاضي وسابني ومشي....
وانا بقوم من عالأرض لقيت تليفون واقع...
الظاهر انه وهو بيزقني تليفونه وقع اعدت ادور عليه لقيته اختفي خالص مش لقياه...
فضلت ماشيه فالشارع لقيت نفس الكشك الي كنت فيه امبارح ونفس الراجل قلت اشتري ميه...
_ سلام عليكم ياحاج
_ عليكم السلام يابنتي اتفضلي..
_ هو انت مش فاكرني ولا ايه
_ لا مش واخد بالي بصراحه...
_ انا الي سألتك امبارح عالحادثه
_ حادثه ايه انا اول مرة اشوفك
