زي الروايات بقلم نيرة وائل

نــــــــــــيــــــــــــرة وائـــــــــــــــــــــــــــــــــــــــــل
سيف بتوتر: طيب انا نسيت موبايلي في الاوضه جوا هروح اجيبه ثواني

بيمشي بسرعة على جوا لكنه بيروح ناحية اوضة مريم بيتلفت حواليه وهو بيتأكد انه مفيش حد وراه بيدخل الاوضة وبيقرب منها بيشغل نور الاباچورة وبيبصلها بحزن بيملس على شعرها وبيتكلم بهمس: وجعتـ’ـي قلبي اوي النهارده يا حبيبتي… انا كنت همـ’ـوت من خوفي عليكي

بيهز راسه بإيجاب: بحبك…. بحبك اوي انا بعشقك يا مريم

بتضر’به في صدره بضعف بضحكة ممزوجة بعيا’ط: انا بقالي سنين مستنياها.. تعبـ’ـت قلبي كل دا ليه
سيف بلهفة: يعني انتي مش بتحبي احمد
بتضحك على غبائه لحد دلوقتي مش حاسس بقلبها اللي بيدق بإسمه

بيقفل الباب وبيزقها عليه وبيحاوطها بإيديه: وانا مش هفرط فيكي يا مريم… عملتها مرة وكنت همو’ت مش هسمحلك تبعدي عني تاني
مريم بخو’ف وعيا’ط: بس… بس هما ملهمش ذنب.. احمد وزهرة ذنبهم ايه
بيبصلها بضيق اول ما بتنطق اسم زهرة اللي كان اصلًا ناسيها
مريم بعياط: متكسر’ش قلب زهرة يا سيف هي متستاهلش مننا كدا
بيخبط ايده في الحيطة وبيمسح على وشه بغضب بيفتح الباب وبيخرج للصالون بيلاقي زهرة نايمه على ايد الكرسي بيبصلها بحزن وبيفتكر وهي بتكلمه الصبح
” فلاش باك ”
زهرة: عارف يا سيف انا مسمياك ملاكي الحارس
سيف: اشمعنا

زهرة بابتسامه وعيونها مليانه حب: عشان انت كدا فعلًا… حتى عد معايا كدا
بترفع ايديها وبتعد على صوابعها: 1_ يوم ما انقذتني من الشباب اللي ضايقوني…
2_ لما شغلتني معاك وانا كان بقالي فترة بدور على شغل ومش لاقيه…

‏3_ يوم ما كنت خايفة من الامتحان ومش عارفه اذاكر وذاكرتلي انت وقدرت تطمني وحليت فيها كويس…
‏4_ لما اغمى عليا فى الشغل ولحقتني قبل ما اقع من على السلم
‏5_ كان اخرها امبارح لما بعتلي فلوس الفستان وانا كنت قاعدة محتارة مش عارفه البس ايه ومكنش معايا فلوس تكفي اجيب فستان
سيف بضحك: وانتي بتعديهم كلهم كدا
بتهز راسها بضحك: اهااااا…. كل حاجه بتعملها مستحيل انساها
بتبصله بحب: انا….
بيحس سيف انها هتعترف بحبها ليه بيحط ايديه على بوقها بسرعة
سيف:اشششش…. متقوليهاش
بتبصله باستغراب بيكمل سيف بتوتر
_عايز انا اللي اقولهالك الاول
بتبتسم زهرة بتكون لسه هتتكلم لكن بيرن موبايلها وبيخلص كلامهم على كدا