قصة مكتملة بقلم سولييه نصار

تجنينيني يا بت مش كفاية امك 
ومال امها يا استاذ محمود 
لا يا حبيبتي مش قصدي بس مش شايفة بنتك اللي ناوية تشلنا 
يظهر ان هتحصل مشكلة دلوقتي عشان كده قررت اقول الحقيقة 
بصراحة كده انا طلبت من شاب ماشي في الشارع انه يتجوزني 
الام ما شوفتش في اخلاقك 
الابوالله ما ربيتك 
يا جماعة اسمعوني بس 
نسمع ايه تاني مغامرات بنتي البجحة 
لا يا محمود احنا نستناها لما تهرب 
دي خطوبة مزيفة مش حقيقي ....انا بس هاخده فرح اشرف عشان اربيه 
رفعت امي الشبشب وقالت
ده انا اللي هربيكي يا بت محمود.
ونزلت فيا ضړب 
.....
علي بالليل كنت جهزت نفسي ولبست اشيك فستان عندي وانا متفقة مع يوسف انه يقابلني قدام القاعة ...طبعا امي وابويا رافضين يكلموني بعد ما صممت اعمل اللي في دماغي طبعا بعد مهاترات ودموع كدابة مني علي شوية شحتفة كدابة اتعلمتها من المسلسلات امي رمت الشبشب في وشي وقالتلي اعملي اللي انتي عايزاه 
...
طلعت من اوضتي وعلي برة علطول منعا للاشتباكات تاني وركبت تاكسي .
.....
قدام القاعة اللي هيتجوز فيها خطيبي السابق لقيت يوسف واقف 
بسم الله ما شاء الله ده قمر في البدلة الړصاصي شبه ابطال الروايات اللي كنت بسرقها من امي واقراها....لا اتقلي يا يقين اومال الواد يقول عليكي واقعة مش كفاية اتقدمتيله في الشارع!...قربت منه فابتسم وقال 
ايه القمر ده 
ضحكت وانا بضربه علي كتفه وبقول 
والله انت القمر وقميصك قمر فيسكوز ده
يا ببلاوي 
لا ده من التوحيد والنور 
احسن ناس والله 
طب يالا ندخل 
يالا.
...
دخلنا القاعة وانا ببص لخطيبي الاهبل بيرقص مع صحبتي اللاهي يرقصوا في ڼار هما الاتنين ... وانا بقول 
شوف يا يوسفل ده سابني عشان يتجوز اللي بترقص معاه. 
بصراحة ومن غير زعل خطيبك بيفهم 
ضړبته علي كتفه
اتلم انت معايا ولا معاهم 
انا مع الحق والصاروخ اللي بيرقص هناك ده 
انتوا الرجالة كده بتبصوا علي الشكل وتنسوا الأدب والأخلاق 
ادب وأخلاق ايه يا منار ده انتي طلبتي تتجوزيني في الشارع. 
ده وضع استثنائي لكن انا ولية مؤدبة 
طب امشي قدامي يا مؤدبة .مسكت كوبايةعصير علي أساس اني اشربها ومشيت جمبه 
قربت من العرسان بعد ما قعدوا علي الكوشة وابتسمت وانا بقول 
الف مبروك يا اشروف كده يا راجل متعزمناش علي فرحك 
اټصدم اشرف وقالي بتوتر 
يقين ايه اللي جابك هنا !
تجاهلته وانا ببص لصحبتي 
مبروك يا نيلة 
نيلة 
اومال. انتي اسمك ايه 
جميلة يا يقين مالك 
يووه الزهايمر وعمايله معلش يا نيلة كلها مسميات ...المهم احب اعرفكم 
يوسف وانا بقول 
ده حمو جوزي وابو عيالي 
ابو عيالك مين متأفوريش كده انا لسه شايفك الصبح 
ابتسم وسلم علي اشرف وقال 
انا يوسف خطيب يقين 
يوسف مين 
ضحكت وانا بقول 
يوسف الشريف 
خبط يوسف دراعي وقال 
يوسف
الصياد...صاحب شركة الصياد للاستيراد والتصدير تعرفها 
بصتله پصدمة ولقيت اشرف اتلبك وقال 
طبعا يا فندم ده حضرتك أشهر من الڼار علي العلم...
صاحبتي قاطعته وقالت 
انا والله يا يوسف بيه كان نفسي اشتغل عندكم وقدمت ورقي وكل حاجة بس اترفضت 
يبقي
اكيد مكانش عندك الخبرة الكافية عشان تشتغلي عندي معلش شوفيلك شركة علي قد خبرتك ...يالا مش هنعطلكم اكتر من كده سلام 
يوسف 
اشرف عايزة اقولك حاجة 
اتفضلي يا يقين 
رميت العصير اللي في الكوباية اللي كانت في ايدي وانا بقوله 
مبروك يا مغفل .
يتبع
الفصل الثالث من هنا
وخرجني بسرعة وانا بضحك علي منظر اشرف المصډوم بعد ما رشيت عليه العصير
ايه اللي انتي عملتيه ده ...كنتي تتحكمي في اعصابك شوية 
ضحكت وانا بقول 
بصراحة كده شفيت غليلي منه لما رشيت عليه العصير 
انتي مش سهلة علي فكرة 
هو اللي بدأ الغدر والبادئ اظلم يا حمو 
ضحك...ضحكته كانت حلوة اووي سرحت فيه وانا بقول في نفسي راح قرد وجه غزال ....غزال الغزلان ....لا لا يا يقين اتقلي شوية ...التقل صنعة...ايوة صحيح صنعة انا معرفش عنها اي حاجة ده انا اتقدمتله في الشارع 
الا صحيح انت غني ...
ايوة صحيح 
ولما انت غني بصيت للمبلغ البسيط اللي انا كنت هديهولك ليه 
اعتبريهم مهري 
مهرك ايه هي الستات هي اللي بتدفع المهر...ده في انهي قانون ده.
في الهند 
الاه هو انت هندي 
ايوة ساكن جمب شاروخان 
يع مبحبهوش 
اول مرة اشوف واحدة مبتحبش شاروخان 
واديك شوفت ....انا بحب عامر خان ونفسي اتجوزه 
عامر للاسف متجوز ...بس بيقولوا اني شبهه جدا تحبي تتجوزيني 
ايه
بقلمي سولييه 
تتجوزيني يا يقين 
افندم قلت ايه !
بقولك تحبي تتجوزيني ايه طرشة ولا مبتفهميش عربي 
انت بتردد كلامي زي البغبغان ليه 
طب يالا اتجوزيني 
عيب يا استاذ اتقل شوية مش عشان حلوة انت هتبقي واقع كده 
واقع ايه بس انتي شبه البغلة 
ضحكت وعينيا لمعت وقلت 
وانت كمان شبه عشان كده موافقة اتجوزك ...يالا نهرب 
وركبني عربيته وقال 
لا انا هطلبك من ابوكي واخدك منه عشان ابقي رحمته ورحمت امك وظلمت نفسي يا مچنونة 
انا مچنونة يا حمو 
انتي اجمل مچنونة شوفتها في حياتي 
تمت